Pòtoprens (awondisman)

arondisman ayiti

Pòtoprens se kapital nan peyi Ayiti. Li se komin ki gen plis moun. Vil la genyen 2 470 762[1] moun. Pòtoprens se chèflye depatman lwès ak awondisman Pòtoprens.

Foto Pòtoprens sou anlè

Li te gen non "Port-républicain" pandan revolisyon fransèz la. Vil la te devaste nan Tranblemanntè 12 janvye 2010[2] la, ki te gen yon mayitid 7.3 sou Echèl Richter.

Istwa modifye

Vil Pòtoprens te fonde nan lane 1749 pa yon kolon franse ki te rele Joseph Randot ki te abite nan abitasyon Randot nan Bèlè. Nan lane 1770 li te ranplase Kap Franse kite kapital koloni Sendomeng nan ki te detwi nan yon katastwòf.

Premye moun ki rete san zòn lan te rele vil la Pòtoprens akòz yon bato ki te konn vin nan a ki te rele "prens lan" (Le Prince, nan lang franse). Se an 1804 aprè lendepandans peyi a ke Anperè Jacques 1er te bay li ankò non Pòtoprens lan. Vil la te vin tounen kapital peyi Dayiti.

Jewografi modifye

Komin Pòtoprens genyen pou gwosè 36,04 km2[3]. Potòprens gen kèk rivyè ki travèse li, tankou rivyè Batad (Bâtarde) ak ravin bwat chèn (Ravine de Bois de chaîne). Vil Pòtoprens la gen 16 ti mòn ladan li.

  • Sen Maten
  • Pako
  • Sanfil
  • Mòntif
  • Bèlè
  • Pòsmachan
  • Kanapevè
  • Nazon
  • Boudon
  • Bwavèna
  • Fònasyonal
  • Bòlòs
  • Senjera
  • Nelyo
  • Tijo
  • Fòmèkredi

Demografi modifye

Daprè estimasyon IHSI (Institut Haïtien de Statistique et d’Informatique) zòn Pòtoprens layite kò li sou 152,02 km2 (sa fè 1/5 nan lajè awondisman kapital la). An 2012 li te genyen 2 470 762 moun, ki plis pase 90% awondisman an. Komin lan genyen anviwon 942194 moun kap vin landan.

Kote moun Pòtoprens yo ap viv[4]
Seksyon Kominal Moun kap viv nan vil la Moun ka viv andeyò vil la Kantite moun antou
Tijo 474 702 3 542 478 244
Mòn Lopital 138 746 13 359 152 105
Matisan 262 530 4 980 267 510
Pòtoprens 875978 21 881 897 859

Administrasyon modifye

Komin Pòtoprens gen 3 seksyon kominal ladann :

  • Tijo (Turgeau) : li pi gwo (19,74 km2) e li gen plis moun ladan (478 244 moun). Nan gwosè ak nan kantite moun, li plis ke mwatye komin lan. Anplis, se li gen plis kay ladan.
  • Mòn Lopital (Morne l’Hôpital) : Gwosè li se 7,45 km2 e kantite moun kap viv ladan se 152 106.
  • Matisan (Martissant) : Gwosè li se 8,85 km2 e kantite moun kap viv ladan se 267 510.

Referans modifye

Lyen deyò modifye