Se istwa yon ti gason yo rele Sangoku, msye te gen yon ke makak nan dèyè li. Li gen yon fòs sou li ki pa piti tout sa pakepaske li soti nan yon ras ekstraterès ke yo rele sayenn. Istwa a kòmanse lè Sangoku kontre ak yon ti dam yo rele Boulma ki se yon syantifik ki tap chache 7 boul dragon yo (dragon ball an angle)ki gaye sou tout latè a. 7 boul sa yo, lè ou reyini yo, gen yon dragon ki rele Shenron ki parèt e ki ka reyalize kenpòt sa ou ta swete. Sangoku ap kontre ak anpil zanmi nan pakou li tankou Krilen, Yamcha, Tenshihan, Oolon ak anpil lòt. Lap kontre ènmi tou e se sa kap fè li vin pi fò. Lap kontre ak de ènmi tou ki apre ap vin zanmi li tankou Pikolo ak Vejeta dayè Vejeta sòti nan menm ras avèk li sayenn. Lap jwenn tou de moun ki pou antrene li pou li vin pi fò pou li kapab goumen kont ènmi li yo. N'ap pale de moun tankou Tòti Jenyal oubyen Mèt Karin. Tank l'ap vin gran tank la vin fò tank ènmi lap kontre yo vin pi fò. Nou ka pale de Frizè, de Sèl oubyen de Bou.
