Lise Alexandre-Dumas

Lise Alexandre Dumas se yon lekòl ki chita kòl nan vil pòtoprens nan peyi Dayiti se yon lekòl fransè ak yon vokasyon entenasyonal. Li nan ri Makadye nan zòn Boudon depi 1978.

Prezantasyon

Lise Alexandre Dumas se yon enstitisyon edikasyon fransè ki pran elèv depi nan klas timoun piti depi nan primè jiska nivo segondè.

Li resevwa prèske 800 elèv, 25% nan yo gen orijin fransè ak yon gwo kantite timoun ekspatriye ki soti nan plizyè lòt peyi ki pale fransè ak menm nan Etazini. Plis pase mwatye nan elèv yo gen nasyonalite ayisyen, yo sòti nan klas rich nan popilasyon an. Enstitisyon sa entegre nan sistem edikasyon fransè a, plis pase 100 000 goud ( anviwon 2400 dola ameriken)pou yon ane lekòl nan klas primè

Yon estasyon sismolojik te enstale nan lekòl la. Li te finanse pa lekòl la ak AEFE ki se asosyasyon paran elèv yo ak Asosyasyon fransè etranje nan peyi Ayiti. Li te pi prè episant lan ki te frape Pòtoprens 12 janvye 2010 la, done ki soti nan anrejistreman li yo te itilize pa chèchè sismològ ki gen nasyonalite diferan, te travay ansanm pou kapab lokalize pi byen fay kite responsab tranblemanntè nan rejyon an. Pandan tranblemann sa a, lise Alexandre-Dumas te sibi anpil domaj. Yon pwofesè matematik ak kèk elèv te rive mouri deyò lekòl la pandan katastròf la. Kèk kou te kanmenm reprann depi mwa mas 2010. Yo te fè yon apèl pou donasyon pou ede rebati lekòl lan. Depi 15 desanm 2010, kantite kòb ke AEFE te ranmase pou lise Alexandre-Dumas a te 126,880 €.

Deskriptif

Li bati sou 12,000 mèt kare, teren sa a genyen plis pase sis san gwo pyebwa ak anviwon yon milye ti pyebwa sou li, kay sa genyen 3 pati:

• Nan premye pati a nou jwenn administrasyon an, klas segondè yo, yon espas kote yo mete dokiman ak enfòmasyon sou lekòl la, nou jwenn yon laboratwa enfòmatik avèk klas kote yo fè eksperyans ansanm ak òdinatè(EXAO) ak syans aplike, yon lòt kote se pou jere aktivite eskolè yo ak kote yo pran swen elèv yo.
  
• pati ki anba a :  nan alantou lakou lekòl la,nou jwenn ansanm batiman yo ki gen nèf sal klas primè yo ak tout bibliyotèk e sant pou dokimantasyon an, yon sal enfòmatik ak kat klas pou timoun piti yo, ki benefisye yon bèl espas apa.
• nan nivo ki pi ba a : genyen yon tèren pou espò ak tout ekipman espesifik yo.