Jeanguy Saintus
Jeanguy Saintus, ki fèt an 1964 nan Pòtoprens (Ayiti), se yon koregraf, dansè ak pwofesè dans ayisyen.
Biyografi
modifyeLi etidye antwopoloji, sosyoloji ak lang, dans tradisyonèl ayisyen, ak teknik klasik, modèn ak kontanporen.
Li se youn nan fondatè konpayi dans Ayikodans, ki sou ven (20) lane devlope yon twoup dansè pwofesyonèl, yon sant atistik epi yon pwogram fòmasyon. Avèk pwòp teknik Afwo-kontanporen li, li jwe yon wòl enpòtan nan devlòpman dansnan Karayib la. Anplis spektak dans li yo, Saintus anseye dans an Jamayik ak lòt peyi.[1]
Saintus se yon dansè endepandan. Chak ane li fè rechèch epi kreye nouvo koregrafi kote li eksplore nouvo limit. Nan koregrafi li yo yon moun ka remake li mele kilti Karayib la ak eleman lavi toulejou ann Ayiti. Anplis de sa, travay li montre eleman ki sòti nan folklò ak kilti relijye Vodou ayisyen an ansanm ak divès enfliyans afriken, ameriken ak franse.[2]
An 2008, Saintus te resevwa pri «Prince Claus » nan men Peyiba pou travay li sou kilti ak kò imen.[2]
Zèv li yo
modifyeReferans
modifye- ↑ (angle) en « biography ». Prince Claus Fund (2008). fevriye 2020.
- ↑ The Power of Culture, Prince Claus laureate Jeanguy Saintus: 'The dead provide strength and comfort'
Lyen deyò
modifye- Jeanguy Saintus sou Ayikodans