Marie Rodny Laurent Estéus

Marie Rodny Laurent Estéus

Nesans	26 jen 1968 Lenbe
Nasyonalite	ayisyen
Peyi nesans	Ayiti

Marie Rodny Laurent Estéus, ki fèt 26 jen 1968 nan komin Lenbe, depatman Nò (Ayiti), se yon lengwis ayisyèn.

Li se manm fondatè Akademi Kreyòl Ayisyen.

Biyografi

Li fèt nan Lenbe kote li viv jouk li te genyen 13 lane. Li fè etid primè nan lekòl ‘‘Immaculée Conception’’. Li fè etid segondè nan Okap, premyèman nan Collège Régina Assumpta (CRA) soti sizyèm segondè rive reto, epi nan ‘‘Collège Notre Dame du Perpétuel Secours’’ (CNDPS) pou klas filozofi.

Nan lane 1995, li etidye Lengwistik nan Faculté de linguistique appliquée (FLA - Fakilte lengwistik aplike) nan Université d'État d'Haïti (UEH - Inivèsite Leta Ayisyen). Li fè yon lisans ak yon metriz nan ansèyman franse (Université des Antilles et de la Guyane) nan lane 2007.

Li te direktris kabinè Ministère à la Condition féminine et aux Droits des femmes (MCFDF - ministè sou kondisyon fi ak dwa fanm).

Li te marye avèk Sony Estéus.

Zèv li yo

• 1995 ː Koute, pale, li, ekri : 4 chemen konnen, biwo lang Kreyòl, SEA
• 2000 ː Haitian Creole English Bilingual Dictionary, Creole Institute – Indiana University: elaborasyon definisyon, Pòtoprens
• 2002 ː Pen boutèy diven banbou, FOKAL
• 2004 ː Pawòl fanm pou chanjman

Lyen deyò

• Marie Rodny Laurent Estéus sou akademikreyol.net
• Marie Rodny Laurent Estéus : Akademi Kreyòl Ayisyen an ap rive byen lwen sou lenouvelliste.com