Martine Phebe
| Martine Phebe | |
|---|---|
| |
| Fonksyon | komedyèn, aktivis |
| Nesans | Aken |
| Nasyonalite | Ayisyen |
| Domèn | teyat, vodou |
modifye - modifye kòd - gade Wikidata  | |
Martine Phebe, rele Thòya, ki fèt nan mwa avril 1993 nan Aken (Ayiti), se yon atis angaje, aktivis komedyèn ayisyèn.
Biyografi modifye
Martine Phebe fèt an 1993 nan vil Aken nan sid peyi Dayiti. Li se yon vodouyizant. Li angaje nan konbat pou valorize kilti ayisyèn. Se pou sa li kreye "Thoy art" pou defann ak pwomouvwa kilti ak istwa Dayiti. Li travay tou nan domèn agrikilti. Se pou sa, sou 8 avril 2019, li kreye "ARL", yon mouvman sitwayen ayisyen.[1]
Zèv li yo modifye
Li fè aksyon filantwopik. Nan lane 2019, li lanse mouvman Agrikilti Rebwazman ak Lelvay (ARL) ki se yon mouvman sitwayen konsekan ki ap travay pou rejwenn granmounite ak diyite pou gen endepandans nan pwodiksyon agrikòl. li travay ak peyizan epi timoun pou rebwaze zòn andeyò ki ap fin defigire. Tout rèv li se pou chanje Ayiti.[2] Se nan kontèks sa anndan mouvman sa li pran swen plizyè timoun ke li voye lekòl epi ap ankadre nan zafè lakilti epi teyat. Nan lane 2021 li te rive genyen 16 timoun li ap pran swen.
Konfli modifye
Konfli ak lajistis modifye
Jedi 3 fevriye 2022, mètrès Thòya te rele devan jij nan lakou Aken pou kapab reponn akizasyon sou lanmò Dalanchika Malbranche ke yo konnen sou non Nèges Da se te yon atis briyan , ki nan tan l sou tè an te make lespri moun nan mond teyat ak mzikal lan. Li te gen yo foug ki san parèy li mouri ak lafyèv entans a laj 8 an nan lakou Treme (Aken) nan jou ki te 23 janvye 2022. Li se te youn nan tchovi li tap ede nan kad mouvman ARL ak Thòyart. Aprè nègès Da te fin mouri nan menm ane an anba gwo lafyèv, fanmiy li te pote plent kont Thòya pou akizel kòm responsab lanmò li, akizel kel tap fè malfezans itilize vodou. Sitiyasyon kote moun nan zòn lan te non sèllman akizel men te menase lavil.
Referans modifye
- ↑ (franse) fr Longcham, Maykena M. (7 me 2021). « Thòya, une vie consacrée à la culture, l’agriculture et l’environnement - TripFoumi Celeb ». tripfoumicelebrite.com. Retrieved 11 mas 2022.
- ↑ (kreyòl ayisyen) ht Nadege Norvilus (24 mas 2021). « Mètrès Thòya detèmine pou rebwaze Ayiti ». haitiinter.com. Haiti Inter. Retrieved 30 mas 2022.