Jean-Charles Moïse
| Jean-Charles Moïse | |
| Fonksyon | |
|---|---|
| Lidè Pitit Desalin | |
| Biyografi | |
| Dat nesans | |
| Lye nesans | Milo |
| Peyi nesans | Ayiti |
| Nasyonalite | ayisyen |
modifye  |
|
Jean-Charles Moïse (an kreyol ː Moyiz Jan Chal), ki fèt 20 avril 1967 nan komin Milo nan awondisman Akil dinò nan depatman Nò (Ayiti), se yon politisyen ayisyen. Jean-Charles Moïse se ansyen senatè depatman Nò . Pou kounye a li se lidè pati politik Pitit Desalin
Moise Jean Charles pat dakò fé pâti konsèy prezidansyèl ke karikom fome a.Men finalman li voye reprézantan l nan konsèy la.
Biyografi
modifyeMoïse Jean-Charles (MJC) fèt nan Milo, yon komin nan awondisman Okap, nan depatman Nò, pi presizeman nan lokalite "Baryè Batan", nan dat 20 avril 1967. Pitit peyizan, yon pitit ki renmen lapè, trè entèlijan, men timid akòz li se yon moun ki enb. Senatè Moïse Jean-Charles marye e papa 6 pitit, konnen kijan pou l kenbe ekilib ant obligasyon fanmi l ak angajman l nan batay pou yon chanjman reyèl an Ayiti.
MJC te fè etid klasik li nan Lekòl Nasyonal Milo ak nan Lise Philippe Guerrier nan vil Okap. Yo renmen li anpil nan lantouraj li. Apre etid klasik li, Moïse te antre nan kapital la (Pòtoprens) kote li te fè premye pati etid inivèsitè li nan Inivèsite Advantis Dikini, nan syans kontablite. Aprè sa, li te benefisye yon bous detid nan yon inivèsite nan peyi Kiba pandan peryòd koudeta a, nan kòmansman ane 90 yo, pou etid nan kominikasyon politik nan Centro Estudo Para América Latina. Lè li te retounen an Ayiti, jèn gason an deside mete konpetans li ak konesans li nan sèvis peyi a, sitou nan lokalite li sòti (Milo). Li mennen batay li yo ak plis estrateji gras ak konpetans li nan diplomasi, relasyon entènasyonal ak fòmasyon li toujou ap pran nan divès peyi nan Amerik Latin nan.
Jean-Charles Moïse te okipe plizyè pòs nan peyi Dayiti. Li te majistra pandan twa (3) fwa nan komin Milo. Li te genyen eleksyon senatoryal yo pandan lane 2009. Li se yon militan konsekan k ap lite nan opozisyon an depi sou gouvènman ansyen Prezidan Michel J. Martelly a.
Jean-Charles Moïse ak Jovenel Moïse malgre yo gen menm siyati men yo pa gen okenn lyen kòm fanmi. Toulede te kandida nan eleksyon ki te fèt nan peyi dayiti nan lane 2015 pou rive 2016. Sekretè Jeneral Pitit Desalin nan te youn nan favori yo[2], men se Jovenel Moïse ki te genyen eleksyon an nan dezyèm tou.
Depi sou administrasyon ansyen prezidan Michel J. Martelly, Jean-Charles Moïse toujou pran pozisyon kont fason peyi a ap dirije. Pandan ane 2022 a, li tanmen yon batay sou plizyè dosye tankou: mete sou pye yon bon Konsèy Elektoral[3] moun ka fè konfyans, li kritik bank yo anpil pou fason y ap jere lajan kliyan yo[4]. Pa rapò ak pil pwoblèm ki genyen nan peyi a, li pwopoze yon Konsèy Tranzisyon Pèp Souvren (KTPS) (en Français: Conseil de Transition du Peuple Souverain-CTPS[5]) pou chèche solisyon ak pwoblèm yo. Pwopozisyon sa mete gwo pawòl anpil[6] [7]nan mitan sosyete a sitou nan klas politik la. Sa te lakòz prezidan konsèy tranzisyon an, Dr Eugénia Romain[8] demisyone apre 5 jou[9] poutèt li gen nasyonalite kanadyèn. KTPS la gen nèf (9) manm[10], li gen yon manda k ap dire yon (1) lane[11]. Nan mwa mas 2024, Moïse Jean-Charles te pwopoze tabli yon Konsèy Prezidansyèl apre sipò lòt pati yo, apre kriz gang ann Ayiti.[12].
Zèv li yo
modifyeReferans
modifye- ↑ « Moïse Jean-Charles | Anvan n' Vote ». Archived from the original on 2022-10-16. Retrieved 2022-10-16.
- ↑ « Haïti : Moïse Jean-Charles, l'un des favoris de l'élection présidentielle » (in français). 2016-11-19. Retrieved 2022-11-03.
- ↑ « Jean Charles Moïse réclame la mise en place d’un Conseil électoral crédible et l’organisation au plus vite des élections dans le pays » (in anglais). Retrieved 2022-11-03.
- ↑ « Moïse Jean Charles menace les banques et demande le départ d'Ariel Henry » (in anglais). Retrieved 2022-11-03.
- ↑ « Haïti-Politique : Le parti Pitit Desalin propose un Conseil de transition pour une issue à la crise » (in anglais). Retrieved 2022-11-03.
- ↑ « Le « Conseil de transition du peuple souverain » présenté par Jean Charles Moïse suscite des controverses » (in anglais). Retrieved 2022-11-03.
- ↑ « Crise politique: Deux membres du Conseil de Transition du Peuple Souverain de Jean-Charles MOÏSE écartés. - Le P'tit journal » (in français). Retrieved 2022-11-03.
- ↑ « Qui est Eugénia Romain, présidente du conseil de transition de Moïse Jean Charles? » (in français). 2022-10-23. Retrieved 2022-11-03.
- ↑ Haïti, Le Facteur (2022-10-27). « Haïti-Crise : La Présidente du Conseil National de Transition de Jean-Charles Moïse poussée vers la sortie - Le Facteur Haïti » (in français). Retrieved 2022-11-03.
- ↑ Nodwes, Rezo (2022-10-24). « Énième alternative : Jean-Charles Moïse propose un conseil de 9 membres pour diriger Haïti ». Rezo Nòdwès (in français). Retrieved 2022-11-03.
- ↑ « Jean Charles Moïse présente son conseil de transition, Dr Eugénia Romain, présidente » (in anglais). Retrieved 2022-11-03.
- ↑ « Moïse Jean-Charles's Presidential Council Awaits » (in anglais). Retrieved 2024-03-16.