Toudegad

Toudegad, k ap anonse Wayom Jewova a se yon peryodik relijye ki pibliye nan plis pase 210 lang anmenmtan nan lemonnantye. Kantite Toudegad ki fèt chak mwa se plis pase 44 milyon revi. Se Temwen Jewova yo ki pibliye peryodik sa a. Nan lane 2014, Toudegad se peryodik yo plis distribiye sou latè.

Objektif Peryodik la.

Se pa mwayen Toudegad la Temwen Jewova fè konnen tout aktivite y ap fè, Toudegad la se peryodik ofisyèl yo a. Men objektif Toudegad la, selon sa editè l yo di:

"OBJEKTIF PERYODIK SA A, Toudegad, se onore Jewova Dye, Souvren siprèm linivè a. Menm jan nan tan lontan, yon santinèl ki t ap fè pòs anlè tèt yon fòtrès te kapab obsève sa k ap pase byen lwen, se konsa tou, peryodik sa a sèvi ak pwofesi ki nan Bib la pou l ede nou konprann evènman k ap pase nan monn nan. Li rekonfòte moun yo grasa bon nouvèl ki fè konnen Wayòm Bondye a, ki se yon gouvènman reyèl ki nan syèl la, pral mete yon fen nan tout mechanste e li pral fè tè a tounen yon paradi talè konsa. Li ankouraje moun pou yo mete lafwa yo nan Jezi Kris, li menm ki te mouri pou nou ka gen lavi etènèl, e k ap gouvène kounye a antanke Wa nan Wayòm Bondye a. Depi 1879, Temwen Jewova ap pibliye Toudegad, yon peryodik ki pa gen okenn rapò ak politik,men ki baze sou Bib la." (Toudegad Avril-Jen 2011, paj 2)