Yvonne Hakim Rimpel

Yvonne Hakim Rimpel, ki fèt nan Pòtoprens nan lane 1906 epi ki mouri 28 jen 1986, se yon militant, jounalis ayisyèn.

Biyografi

Manman li se Marie Louise Horatia Benjamin ak papa li se Eli Abdallah Hakim. A laj 14 an, li marye ak fiyanse li chwazi paran li yo. Li gen kat (4) timoun avèk li. Li marye de (2) fwa aprè sa. Nan maryaj li, li gen senk( 5) lòt timoun.

Li se youn nan moun ki kolabore avèk premyè òganizasyon feminis nan peyi Ayiti, "ligue féminine d’action sociale", ki fonde nan lane 1934. Li te redaktris pou yon revi Lig feminin, malgre li te gen jounal pa li. Nan lane 1935, lig sa a pibliye premye jounal ekri pa kèk fanm La voix des femmes (Vwa fanm).

Yvonne travay avèk lig sa a pou edikasyon sivik pou fanm, dwa fanm pou vote, klas aswè pou fanm travayè, kreyasyon bibliyotèk yo, petisyon bay otorite yo konsène pou ouvèti lekòl pou ti fi...

An 1951, Yvonne kreye jounal li, l'Escale, ki pibliye de (2) fwa pa semèn ak ki bay enfòmasyon, pou analize, kritike ekriven, fanm, jounalis ak politisyen. Pandan eleksyon prezidansyèl 1957, pifò nan fanm nan lig la, ki gen ladan Yvonne, sipòte kandida Louis Déjoie, agwonòm, plantè kann sik ayisyen an.

Li denonse anpil move bagay nan gouvènman an nan Jeneral Kebreau, an chaj nan òganize eleksyon yo. Aprè eleksyon, li kritike gouvènman prezidan an nan jounal li.

Li se youn nan premyè fanm ki te viktim gouvènman François Duvalier.

Nan mwa janvye 1958 li te kidnape epi atake. Twomatize, li fini tout kontak avèk laprès ak politik yo. Yon envestigasyon te louvri kat (4) mwa aprè krim lan, men li pral byento fèmen pou mank de ase prèv.

Yvonne mouri nan yon kriz kadyak a laj de 80 zan.

Nan lari Camille Léon, gen yon grafiti madanm Yvonne Hakime Rimpel, ki te fè nan memwa li, sou inisyativ Fondasyon "Devoir de mémoire" Ayiti.

Lyen deyò

• Yvonne Rimpel: parcours atypique d'une militante féministe haïtienne sou loophaiti.com
• Yvonne Hakim-Rimpel sou haiticulture.ch