Carl Brouard

Carl Brouard

Nesans	5 desanm 1902 Pòtoprens
Lanmò	27 novanm 1965 (ak 62 ane) Pòtoprens
Nasyonalite	Ayisyen
Peyi nesans	Ayiti

Carl Brouard , ki fèt 5 desanm 1902 nan Pòtoprens epi ki mouri 27 novanm 1965, se yon ekriven ayisyen.

Biyografi

Carl Brouard se yon ekriven ayisyen ki fèt Pòtoprens jou ki te 5 desanm 1902 nan yon fanmi boujwa. Papa li se te yon gran negosyan ki te rele Rafaël Brouard. Manman li te rele Cléomie Gaetjens. Fanmi an te gen 4 pitit. Sè li, Carmen Brouard te yon pyanis epi konpozitris ki te selèb an Ayiti. Li te rantre lekòl nan lane 1907 nan Lekòl Erima Guignard. Nan lane 1912 li pral kontinye lekòl Kay Catts Pressoir. Se nan lane 1919 li te fin fè klas li. Lè li te gen 20 ane, li te kòmanse avèk vodou.

Nan 1936 li ta pral marye ak Anna Lerebours epi yo ta pral fè de (2) pitit fi, youn rele Cléomie epi lòt la rele Olga.

Ekriven prefere li se te Jean Price Mars.

Carl Brouard te kont lokipasyon amerikèn an Ayiti. Lè sòlda ameriken yo te debake nan lane 1915 li te gen sèz (16) lane.

Carl Brouard mouri tou sou 27 novanm 1965.

Nan lane 1966 Roger Gaillard ekri yon etid sou Carl Brouard ki rele La destinée de Carl Brouard.

Zèv li yo

• Écrit sur du ruban rose
• 1963 : Pages retrouvées, konpilasyon, "Edition Panorama"
• 2004 : Anthologie secrète, edisyon Mémoire d’encrier

Lyen deyò

• Biyografi Carl Brouard sou ile.en.ile
• Carl Brouard sou potomitan.info