Kharmeliaud Moise

Kharmeliaud Moise

Nesans	2 me 1978 Kòt Defè
Nasyonalite	ayisyen
Peyi nesans	Ayiti

Camille Moise, rele Kharmeliaud Moise, ki fèt 2 me 1978 nan vil Kòt Defè (Ayiti), se yon aktè ak reyalizatè ayisyen.

Li chwazi siyen tout fim li yo sou prenon Kharmeliaud ki te prenon pitit gason li.

Biyografi

Moise fèt 2 me 1978 nan Ayiti. Aprè etid klasik li, li etidye kominikasyon sosyal avèk metye jounalis. Men depi 1995 li kòmanse nan reyalizasyon ki vin tounen sèl pwofesyon li ekzèse.

Moise travay anpil nan lemonn odyovizyèl ayisyen an. Li pase plis pase 3 lane ap kolabore avèk Mancuso pwodiksyon nan zafè piblisite emisyon televizyon ak dokimantè kote li te okipe plizyè fonksyon tankou kameramann, montè, reyalizatè, responsab pwodiksyon. Nan lane 2003, Moise Kharmeliaud fè wout pa li ann endepandan. Depi lè sa, lap travay nan sinema kote li pwodui epi reyalize plizyè fim ki fè diferans sou plan teknik. Aprè yon fòmasyon sou sinema dokimantè li resevwa nan FEMIS, nan Frans, Kharmeliaud vin konsantre plis sou fim dokimantè kote li kolabore ak kèk lòt reyalizatè tankou Arnold Antonin, Renaud Dumenil.

Zèv li yo

• 1998 ː Shango
• 2002 : Protège-moi : Pierre Mie Bouchereau
• 2005 : Le XIeme Commandement ː aktè, pwodiktè, reyalizatè
• 2006 ː Chimen Pasyon
• Ti manmi
• 2007 : La prière d'Isha
• 2008 ː Les aventure de Bos Djo
• 2010 ː Chronique d'une catastrophe annoncée ou Haïti Apocalipsis Now (Dokimantè)
• 2012 ː Demain Commence aujourd'hui (Dokimantè)
• 2017 ː Rolland (fiksyon) ː reyalizatè

Lyen deyò

• Kharmeliaud Moise sou IMDb
• Kharmeliaud Moise sou BèlFim
• Kharmeliaud Moise sou africultures.com
• Biyografi Moïse Camille sou africine.org