Brunel Fucien
Image illustrative de l’article Fucien Brunel
Fonksyon Foutbolè pwofesyonèl
Nesans (39 ane)
Lestè, Latibonit
Nasyonalite Ayisyen
Domèn Foutbòl
Konpleman
Remak Li se youn nan pi bon jwè foutbòl nan listwa peyi Ayiti, li se premye balon dò ayisyen.


Brunel Fucien, ki fèt 26 out 1984 nan lokalite Lestè nan depatman Latibonit (Ayiti), se yon foutbolè entènasyonal ayisyen.

Pòs prensipal li se mitan tèren ofansif. Polivalans li nan jwèt sa pèmèt li jwe nan pòs atakan tou. Aktyèlman li ap evolye nan ekip Aiglon du Lamantin nan zile Matinik.

Biyografi modifye

Brunel pral premye atire atansyon sou li se nan lane 1998 avèk ekip nasyonal ayisyen mwens pase 15 zan an, lè sa li te gen 14 zan.[1]. Brunel te toujou pami meyè jwè yo e li te youn nan chouchou piblik ayisyen an. Li te gen yon vizyon ekstrawòdinè, yon sans drib enkwayab. Gras avèk tout talan sa yo li te entegre Sant Talan Espòtif ann Ayiti aprè yon konpetisyon entèrejyonal[2]

Brunel kòmanse jwe nan wo nivo a nan kòmansman ane 2000 yo, li te siyen avèk ekip “Aigle Noir Athlétique Club (Èg Nwa Atletik Klèb)” nan lane 2002 kote li ta pral pase 3 sezon (2002-2005) aprè li ta pral travèse nan chanpyona chilyen an kote li ta pral pase sèlman yon (1) sezon ap defann koulè ekip “CD Cobreloa” a, li ta pral retounen vin defann koulè ansyen ekip li “Èg Nwa Atletik Klèb” nan lane 2006.

Nan lane 2006, li ranpòte chanpyona nasyonal la aprè li ta pral ranpòte “Koup Karibeyèn nasyon yo” an 2007 nan peyi Trinidad ak Tobago, li te fini meyè bitè seleksyon nasyonal la avèk 4 gòl. Nan jou ki te premye mas nan lane 2007, li te eli balon dò ayisyen, li te vini premye moun ki resevwa distenksyon sa nan tout listwa[3]. Li te patisipe nan Koup Dò 2007 la, men li pat reyalize yon bèl pakou nan konpetisyon sila.

Klèb foutbòl Matinikè “Aiglon du Lamantin” te gen je sou li e yo te vin arive siyen jwè a nan lane 2008, li toujou ap evolye ladann.

Palmarès modifye

  • Chanpyon Ayiti (chanpyona nasyonal) 2006
  • Koup Karibeyèn nasyon yo 2007
  • Koup Matinik 2009
  • ka finalis Koud dò 2009
  • Koup Lig Matinik 2010
  • Lig Antiy 2011

Distenksyon endividyèl modifye

  • Balon dò ayisyen 2007
  • Meyè bitè seleksyon nasyonal Koup Karibeyèn nasyon yo 2007

Referans modifye

  1. « Brunel Fucien » (in anglais). Retrieved 2022-11-06. 
  2. « Brunel Fucien » (in français). Retrieved 2022-11-06. 
  3. « Kopi achiv ». Archived from the original on 2022-11-05. Retrieved 2022-11-06. 

Lyen deyò modifye