Jean Venel Casseus


Jean Venel Casseus
Image illustrative de l’article Jean Venel Casseus
Fonksyon jounalis
Nesans (41 ane)
Nasyonalite ayisyen
Domèn jounalism

Jean Venel Casseus, ki fèt 21 oktòb 1982, se yon jounalis ayisyen.

Biyografi modifye

Manman Jean Venel Casseus se Nanotte Antoine. Papa li se Vezael Casseus. Li gen de ti frè : John Herby ak John Leighton. Li marye avèk Dapheney Cange Casseus. Yo gen twa pitit fi ki rele Sarah, Manoah ak Adassah.

Jean Venel Casseus te fè yon kout pasaj nan lane 2002 nan radyo Haiti Inter, avan li te antre nan radyo Kiskeya. Pandan evènman 2003-2004 yo, li se te yonn nan pi gwo jounalis-repote ki te gen nan lari. Jou ki te 5 desanm 2003 a nan fakilte syanzimen, patizan pouvwa anplas la te agrese li epi pran tout materyèl travay li. Pandan peryòd sa Jean Venel Casseus te prezan nan tout manifestasyon, tout ti kwen ak rekwen kote ki gen enfòmasyon ki te ka sove lavi omwens yon moun. Risk sa yo lakoz li malad nan je jodi. San di petèt se efe tout gaz lakrimojen li te respire pandan peryòd sa.

An jiyè 2004, Jan Venel Casseus te travese nan radyo Caraibes FM, radyo ki pi popilè nan kapital la. Se la tout bon vre, gran piblik la ta pral dekouvri polivalans jen gason sa. Repotaj li yo toujou orijinal. Sa ki lakoz yo toujou make anpil moun menm jounalis parey li ki trete dosye a tou.

An oktòb 2004, se li ki te reyalize premye gwo repòtaj ki fèt sou zafè operasyon Bagdad la. Lo sa ak jounalis Barais Jean-Louis li te monte anwo bele al entevyouve tout chèf de fil mouvman sa ki voye plizyè krityen vivan nan peyi san cho. Pou li te rive gen akse ak lote operasyon Bagdad yo, Jean Venel Casseus te oblije fè tèt li pase pou yon jounalis afriken paske nan moman sa mesye operasyon Bagdad yo pa te vle tande pale de jounalis radyo Caraibes.

Jean Venel Casseus se tou yon kreyatè, yon zanmi lakilti. Pandan fen ane 2004 a li inisye nan radyo Karayib yon kronik kiltirèl ki rele Caraibes Cultirelle. Kronik sa ki pase chak jou se premye nan sans sa nan radyo an Ayiti. Se te yon defi. Anpil moun te toujou rete kwe li enposib pou rive kenbe pandan lontan yon kronik kiltirèl chak jou. Defi Jean Venel Casseus rive leve paske sa fe deja plizyè lane depi kronik lan ap mache. Se dayè kronik kiltirèl ki pi popilè nan peyi a.

Jean Venel Casseus se yon jen ki dinamik. Li ap chèche aprann epi mennen aktivite tout kote. An desanm 2006 li fòme avèk kèk zanmi "Gwoup Kominikate pou Pwomosyon, Aksyon ak Solidarite (Gwoup COMPAS). Se yon enstitisyon ki travay nan domèn kominikasyon sosyal ak lwazi. Li sitou ankadre jèn atis yo epi fè travay ki ale nan san entegrasyon ak patisipasyon tout moun nan sosyete a.

Jean Venel Casseus toujou renmen di "Rapo moun ak moun se bagay ki pi enpòtan nan lavi, chak fwa 2 moun pataje yon ti moman kozman sa bay lavi plis sans".

Depi 2012 li se Direktè Kominikasyon nan Ministè Defans Dayiti.

Zèv li yo modifye

  • 2018 : Il suffit ton regard[1]

Referans modifye

  1. Dangelo Néard (29 avril 2018). « Mikaben, la semaine de la propriété intellectuelle et Jean Venel Casseus ». rfi.fr. Retrieved 25 jen 2018. 

Lyen deyò modifye