Paspò ayisyen

Paspò ayisyen (an franse ː passeport haïtien), se yon dokiman vwayaj entènasyonal yo bay sitwayen ayisyen, e ki kapab sèvi tou kòm prèv sitwayènte ayisyèn nan.

Lis peyi san viza oswa viza lè yo rive 2021

Pou sejou ant 14 jou ak 3 mwa, yon sitwayen ayisyen (ki gen yon paspò ayisyen) kapab vwayaje, san okenn viza, nan peyi sa yo : Kenya, Latiki, Bolivi, Kore disid, Chili (sepandan, Chili te pibliye yon nòt nan mwa jiyè 2017 deklare ke Ayisyen ki vle rete sou teritwa yo dwe aplike pou yon viza ; jis pou kapab garanti sekirite yo ak respè pou dwa migran yo), Zanbi, Malezi, Lejip, Filipin ak Hong Kong.

Anplis de sa, yon sitwayen ayisyen (ki gen yon paspò ayisyen), ka vwayaje, san okenn viza alavans, epi gen yon viza bay lè yo rive, nan peyi sa yo : Ameni, Zanbi, Touvalou, Togo, Timò oryantal, Tanzani, Sechèl, Sen Tome ak Prensip, Samowa, Palawo, Ouganda, Nepal, Mozanbik, Maldiv, Madagaska, Makawo, Layòs, Kenya, Jòdani, Irak, Jeoji, Lejip, Djibouti, Latiki, Komò, Kanbòdj, Byelorisi, Bangladèch, Azèbayidjan ak Emira Arab Ini.

Gade tou

• Paspò
• Kat idantifikasyon nasyonal (Ayiti)