Féquière Lucien

Féquière Lucien
Fonksyon	Mizisyen, Chantè
Nesans	14 desanm 1956 Pòtoprens
Nasyonalite	ayisyen
Domèn	mizik

Féquière Lucien, ki fèt 14 desanm 1956 nan Pòtoprens (Ayiti), se yon mizisyen ak chantè ki aktyèlman nan gwoup Volo Volo de Boston.

Premyé année yo

Féquière Lucien né 14 desanm 1956 nan Pòtoprens. Paran li sé Ayisyen : Philistin Lucien ak Elizabeth Bellevue. Li fè etid li nan Saint-Louis de Gonzague ak Grégoire Eugène anvan li pati pou Etazini. A laj 12 zan, Féquière té trè entérésé aprann jwé gita ak chanté san yon idé ki koté sa tap rivé. Lè li té gen 14 zan, paran li té désidé voyél alé etidyé alétranjé. Féquière pasé 3 mwa Nouyòk anvan li délojé al Boston koté yo di ki gen meyè lekòl ak lòt opòtinité.

Karyè

Nan lane 1978, gwoup Volo Volo tap chèché yon lòt chantè pou ranplasé Ti Manno. Féquière té jwen n yon rekomandasyon pou li al fè odisyon kòm chantè ki pat konu nan kominote a. Pami tout lot chantè ki té fè odisyon, gwoup la té chwazi Féquière kòm chantè dépi lè sa a. Atis la té gen 22 zan.

Féquière Lucien chanté plizyè albòm avèk Volo Volo de Boston, é li té patisipé nan lòt pwojè albòm ak anpil lot atis. Li chanté sou plizyè albòm popilè Kòm: La nature, Nou nan route, 14 karat gold ak 33yèm Anivèsè. Kèlke mizik popilè li chante se : Do it, Fè kow sekwé, Ayanman, Nou nan route, Mélodie, Minouche, Party time, Gason palé, Haïti, Yon sèl Volo.. Lòt pwojè albòm li chanté sé : Racines ak Koneksyon.

Atis la toujou nan gwoup Volo Volo de Boston kòm chantè, konpozitè ak chèf égzékitif.

Zèv li yo

• La nature
• Nou nan route
• 14 karat gold
• Mélodie
• Do it
• Fè kow sékwé
• Ayanman
• Minouche
• Party time
• Gason pale
• Yon sèl Volo

Lyen deyò

• (en) Sitwèb ofisyèl Volo Volo de Boston
• Achive mizik Ayiti sou Musique.Haïti
• Afromix Liberi entènet sou afromix.org
• Discogs libréri sou discogs.com
• Librérie Piblik nan Boston