Laviktwa (komin)

komin peyi Ayiti
(Depi paj redireksyon « Lavitwa (komin) »)
Laviktwa (komin)
Lavitwa

vil nan awondisman Sen Rafayèl
sipèfisi 31,35 km²


Lavitwa se yon vil nan peyi Ayiti.

Komin sa a se nan awondisman Sen Rafayèl.

Istwa modifye

Komin orijin te batize sou non David Troy ki te chita an 1848, men an 1952 li pran bon non an kòm komin Laviktwa.

Jewografi modifye

Se yon ti vil nan peyi Ayiti ki gen yon sipèfisi 34,77 km2. Li parèt aklè ak yon popilasyon 7,500 moun an 2003 ak yon dansite pou 215 moun pa km2. Li konsidere kòm yon zòn neglije ann Ayiti sitou pou pozisyon jewografik li. Li sitiye bò nò ak Sèkakavajal, Sidès nan Piyon, pou Lwès Rankit ak lès Ench.

Laviktwa domine nan yon plenn mòn epi li genyen yon klima nòmal.

Administrasyon modifye

Sou plan administratif, ak politik, li depann d’Okap kòm kapital politik ak administratif. Kòm chèf lye li gen depatman Nò a.

Laviktwa gen sèlman yon sèl seksyon kominal; se 1 seksyon Laviktwa. Moun ki rete lavil la pote non Viktoryen. Pandan li karakterize ak plizyè abitasyon, nou ka site : Bawonsi, Gaspa I ak II, Dèfon, Mayaya, Lospinik, Difosak, Vyelaviktwa, Anwo Gwap, Granman ak Bwadom.

Kondisyon modifye

Edikasyon modifye

Pou anndan komin Laviktwa, Depi 1996, Ministè Edikasyon Nasyonal ak Fomasyon profesyonèl (MENFP) reprezante ak yon biwo enspeksyon lekòl. Apeprè 12 lekòl primè, 3 piblik, 8 prive ak yon kongréganis. Pou sa ki konsène segondè, gen 2 kolèj, ak yon lise. Laviktwa pa gen sant profesyonèl. Pa gen Inivèsite ak Lekòl Siperyè.

Relijyon modifye

Pou relijyon, li te apeprè 23 tanp diferan pratik oswa kwayans nan Laviktwa: Katolik 5; Batis 16; Lapannkòt 1; Advantis 1, Leglis Kris la 1, epi ou jwenn lòt kote kèk Peristil Vodou.

Sante modifye

Laviktwa pa reprezante pa Depatman sante piblik ak popilasyon. Pou koulye a, li gen yon sant sante ki reyini kèk kondisyon ak pafwa 1 oswa 2 doktè ayisyen oswa Kiben, yon enfimyè ak apeprè 5 oksilyè ki travay nan sèvis popilasyon an. Anplis gen 1 lòt sant sante anko ki an konstriksyon nan lakou Presbitè Legliz Katolik la.

Kouran modifye

Tout vil elektrifye, li te alimante pa pelig nan premye tan e kounye ki vin alimante sistèm Sen Rafayèl la depi 2021.

Kominikasyon modifye

Pou koulye a, li gen 2 estasyon radyo yo (Radyo Liz ak radyo Viktori). Pa gen jounal ni estasyon televizyon. Sèlman moun yo itilize mwayen konpayi telefòn selilè yo.

Dlo modifye

LaViktwa gen de (2) rivyè yo ak kat (4) sous, 11 ponp ak majorite tiyo nan prèske tout kay, ak Marc Eau ki bay dlo pirifye pa Osmoz envès, men manke dlo pou bwè.

Politik modifye

LaViktwa sèlman gen plizyè òganizasyon popilè ak plizyè gwoupman peyizan.

Enfrastrikti administratif ak jidisyè modifye

Pou anndan komin Laviktwa li gen yon tribinal lapè, avèk prezans lapolis depwi aprè nouvèl konstrisksyon sou ansyen majistra provizwa Philistin Auguste.

Etablisman ekonomik ak finansye modifye

Yo jwenn yon sant agrikòl, yon restoran. Pa gen pansyon, yon otèl, pa gen bank komèsyal, li gen sèlman yon kès popilè.

Kilti ak lwazi modifye

Laviktwa prèske manke tout bagay : okenn sal teyat, okenn mize. Gen yon sal sinema. Pa gen bibliyotèk. Gen yon pak espòtif an move eta, ak sis (6) gagè. Pa gen moniman.

Laviktwa depi lontan pa gen fèt popilè. Li gen patwon "Sent Sesil" ki fete chak ane 22 novanm.

Referans modifye

Lyen deyò modifye