Rosalvo Bobo

Atik sa a se yon ebòch.

ou kapab pataje konesans ou pandan w ap amelyore l (Kijan ?).

Rosalvo Bobo

Rosalvo Bobo


Nesans	28 janvye 1874 Kap Ayisyen
Lanmò	29 novanm 1929 ak 55 lane (ak 55 ane) Pari
Nasyonalite	Ayisyen
Peyi nesans	Ayiti
Konjwen	Sarah Schomberg

Pierre François Joseph Benoit Rosalvo Bob, rele Rosalvo Bobo, ki fèt 28 janvye 1874 nan Kap Ayisyen (Ayiti) epi ki mouri 29 novanm 1929 nan Pari (Frans), se yon medsen epi yon politisyen ayisyen.

Biyografi

Li te yon lidè pandan revolisyon an, an 1914 nan peyi Ayiti^[1], e li te gen yon wòl politik enpòtan avan Etazini te okipe peyi a nan ane 1915.

Doktè Rosalvo Bobo ki te etidye medsin ta pral jwe yon wòl enpòtan nan zafè peyi li jiska lokipasyon amerikèn.

Nan dat 14 oktòb 1914^[2], li te atake prizon Kap Ayisyen pou te libere rebèl ki te fèmen ladann. Fòs lòd yo te repouse atak la sa ki te fè Rosalvo Bobo t al refijye nan konsila alman an.

Jou ki te 18 oktòb 1914, Minis enteryè a, Charles Zamor kite Kap Ayisyen paske lajan yo te koumanse fini, pandan frè li la, Prezidan Oreste Zamor t ap mennen twoup li yo Pòtoprens (komin).

Rive 19 oktòb 1914^[3], Oreste Zamor te kite Kap Ayisyen (komin), Rosalvo Bobo te soti nan konsila alman an e li te pwoklame tèt li chèf sivil revolisyon an. Joseph Davilmar Theodore te pwoklame kòm prezidan epi li nome Rosalvo Bobo Minis enteryè. Men gouvènman Davilmar Théodor a te oblije demisyone nan koumansman lane 1915 sou presyon ameriken yo. Jean Vilbrun Guillaume Sam te vin prezidan Ayiti.

Nan moman fòs lame amerikèn nan te rantre nan peyi a, tout moun te rekonèt li kòm chèf revolisyon an ki te jete gouvènman prezidan Sam nan. Se li ki te genyen nan kous prezidansyèl la. Men amiral ameriken an, William Caperton, chèf twoup ameriken an, te retire l kòm ènmi ameriken, nan avantaj Senatè Philippe Sudre Dartiguenave. Pandan lokipasyon amerikèn li te deklare " M prefere mouri vlope nan drapo m pase pou m sèvi letranje".

Bibliyografi

Roger Gaillard, Les cent-jours de Rosalvo Bobo, ou, Une mise à mort politique, Éditions Presses Nationales, Pòtoprens : 1973, redisyon 1997.

Referans

↑ https://web.archive.org/web/20221031121334/https://villeducaphaitien.com/signe-cap-haitien/36-figures-capoises/240-rosalvo-bobo-charles-dupuy. Archived from the original on 2022-10-31. Retrieved 2022-10-31. Missing or empty |title= (help)
↑ http://islandluminous.fiu.edu/french/part08-slide02.html. Missing or empty |title= (help)
↑ https://fr-academic.com/dic.nsf/frwiki/2106322. Missing or empty |title= (help)

Lyen deyò

Diskou Rosalvo Bobo nan fèt santenè Repiblik Dayiti a sou haitiechanges.free.fr
Kwonoloji istwa Ayiti

[1] ttps://web.archive.org/web/20221031121334/https://villeducaphaitien.com/signe-cap-haitien/36-figures-capoises/240-rosalvo-bobo-charles-dupuy. Archived from the original on 2022-10-31. Retrieved 2022-10-31. Missing or empty |title= (help)

[2] ttp://islandluminous.fiu.edu/french/part08-slide02.html. Missing or empty |title= (help)

[3] ttps://fr-academic.com/dic.nsf/frwiki/2106322. Missing or empty |title= (help)

[1]

[2]

[3]