Festival Entènasyonal Literati Kreyòl

Festival Entènasyonal Literati Kreyòl (FEL) se yon festival literè ayisyen.

Prezantasyon

Festival sa a se sèl evènman ayisyen ak Karayib ki dedye a literati kreyòl.

Pwomosyon ak difize literati kreyòl nan divèsite li epi ankouraje rechèch sou kreyasyon literè, se misyon prensipal FEL la. Disiplin atistik tankou sinema ak teyat fè pati pwogram nan.

Istoryen an, Michel Soukar fonde FEL. Anivince Jean-Baptiste, otè se youn nan manm fondatè "Festival entènasyonal Literati kreyòl".

Istorik

1e edisyon

An 2019 FEL pran plas ant 4 ak 18 desanm 2019 nan Pòtoprens ak alantou.^[1] Yo selebre 2 evènman enpòtan : 4 desanm 2014 : enstalasyon premye manm Akademi Kreyòl Ayisyen ak 18 desanm 1965 : kreyasyon "Sosyete koukouy", youn nan pi ansyen mouvman kiltirèl ann Ayiti kap fè pwomosyon lang kreyòl la.

yo selebre Marenn evènman an, Gertrude Séjour; Fondasyon Maurice Sixto, patnè evènman an ak prezidan festival la, Clautaire Saint-Natus. Kèk pèsonalite kòm Guy Gérald Ménard, Bonel Auguste, Pierre Michel Chéry pran pati nan aktivite sa a. Twa (3) fòmasyon yo planifye kòm yon pati nan festival la. Youn ladan yo sou tranzisyon soti franse a kreyòl, nan objektif pou rann eritaj literè nou an disponib an kreyòl ; yon lòt sou kritik literè, ak dènye a sou literati kreyòl an jeneral. Gen kèk lòt aktivite tankou konferans, onè pou kèk pèsonalite.

2yèm edisyon

An 2020, tèm se Pouki n ap fè literati ?. De (2) ekriven ayisyen se envite espesyal, Pierre Michel Chéry ak Rodolphe Mathurin. Plizyè aktè ki soti nan mond piblikasyon ak kominote literè ayisyen an tankou Lyonel Trouillot, Dominique Batraville, Manno Ejèn, Gérard Marie Tardieu, Fred Brutus, Inéma Jeudi, Iléus Papillon, Roniro Jean Baptiste, Wilkens Scott Fifi, Jessica Nazaire ap prezan. San bliye ekriven popilè nan Karayib la, tankou Hector Poullet (Gwadloup) Hilario Batista Felix (Kiba) Nicole Cage, Yves Marie Seraline (Matinik).^[2]

Lis envite donè

2019 ː 1e edisyon ː Hilario Batista Félix reprezante Kiba, peyi envite donè; Manno Ejèn se envite donè;
2020 ː 2yèm edisyon ː 2-6 desanm ː Raphaël Confiant, ekriven matinikè^[3]
2021 ː 3yèm edisyon ː

Referans

↑ (franse) fr Darline Honore (18 out 2019). « Plein feu sur la 1è édition du "Festival Entènasyonal literati kreyòl" ». haiti.loopnews.com. Retrieved 24 out 2022.
↑ (franse) fr Daniel Betis (4 desanm 2020). « Des auteurs martiniquais participent à la 2e édition du "Festival entenasyonal literati kreyol" en Haïti ». la1ere.francetvinfo.fr. Retrieved 24 out 2022.
↑ (franse) fr Ricot Marc Sony (11 out 2020). « Festival entènasyonal literati kreyòl ». lenouvelliste.com. Le Nouvelliste. Retrieved 24 out 2022.

Lyen deyò

[1] (franse) fr Darline Honore (18 out 2019). « Plein feu sur la 1è édition du "Festival Entènasyonal literati kreyòl" ». haiti.loopnews.com. Retrieved 24 out 2022.

[2] (franse) fr Daniel Betis (4 desanm 2020). « Des auteurs martiniquais participent à la 2e édition du "Festival entenasyonal literati kreyol" en Haïti ». la1ere.francetvinfo.fr. Retrieved 24 out 2022.

[3] (franse) fr Ricot Marc Sony (11 out 2020). « Festival entènasyonal literati kreyòl ». lenouvelliste.com. Le Nouvelliste. Retrieved 24 out 2022.

[1]

[2]

[3]