Lody Auguste
| Mizisyen | ||||||
|---|---|---|---|---|---|---|
|
Lody Auguste
Compléments Papa li, Prosper Auguste, te yon pwofesè literati ak Syans syosyal. Manman li, Anne Persener, te yon enfimyè fanm Saj. Li gen 2 pitit : yon gason ki rele Mandela e yon fi ki rele Kwame. | ||||||
| Mizik: konpa | ||||||
Enstriman | ||||||
Lody Auguste,ki fèt 29 novanm 1963 nan Jeremi, nan depatman Grandans ,se yon chantè ak mizisyen ayisyen.
Biyografi
modifyePapa li, Prosper Auguste, te yon pwofesè literati ak Syans syosyal. Manman l, Anne Persener, te yon enfimyè fanm Saj.
Li deja gen 3 CD an sikilasyon : Sin pa rele ki soti an desanm 1998; Dekwoke l ki soti an desanm 2002 enpi yon konpilasyon ki soti pandan ete 2003.
Lody Auguste chante plizyè tèks powèt Georges Castera tankou : Pitit malere; Rankit; Bri ki kouri; M anvi chante peyi m; Kanntè; Lamayot; Poto; Sou latè... Li adopte Martha Jean Claude ak Toto Bissainthe tankou modèl. Li reprann yon chante Toto Bissainthe ak yon chante Martha Jean Claude nan CD Sin pa rele. Li konpoze yon chante pour Martha Jean Claude ki rele "Fanm vivan pa konn mouri".
Lody Auguste ap travay ak Pierre Rigaud Chery depi pase 15 lane. Pierre Rigaud Chery konpoze epi fè aranjman pi fè chanson Lody chante. Se Pierre Rigaud Chery ki veritab reyalizatè CD "Sin pa rele a".
Lody Auguste te fè yon sejou nan peyi Kanada pou li kontinye etid metriz ak doktora nan domèn jesyon sèvis sante ak nan domèn Syans zimèn. Li fè konesans ak de lot mizisyen enteresan tankou Yoel Diaz (yon gran pyanis kiben), Alex Bellegarde (yon kokenn kontrebasis kebekwa), Alex Gordon (yon gran pyanist anglè), Orlando Laviel ki se yon gran pèkisyonis kiben. Lody Auguste devlope yon pratik ak ekip mizisyen sa yo nan Monreyal Kebèk pou patisipe nan de espektak solidarite ak plizyè pèp (pèp Palestin, Pèp Irak...). Lody Auguste patitipe nan plizyè espektak kont lagè e pou lapè.
Manman Lody Auguste tou. Li gen 2 pitit : yon gason ki rele Mandela e yon fi ki rele Kwame.
Lody Auguste enterese anpil tou nan entèvansyon kominotè nan sante. Li patisipe nan fonde yon klinik imanitè depi lane 1993 nan Kafou Fèy, Potoprens, Ayiti pou ede fanm ak ti moun ki nan nesesite. Klinik imanitè sa a rele APROSIFA (Asosyasyon pou pwomosyon Sante Entegral Lafanmi).
- 1963 - 29 novanm : nesans Jeremi, depatman Grandans
- 1998 - desanm : Sin pa rele soti
- 2002 - desanm : Dekwoke l soti
Zèv li yo
modifyeZèv enpotan Lody Auguste:
- Sin pa rele, yon CD ak 14 chanson angaje. Se Lody Auguste ki ekri dènye chante sou CD sa a ke li dedye pou Kiba. Tèks sa a rele KibAyiti. Se yon omaj a Kiba epitou Che Gevara;
- Dekwoke l, yon CD ak 13 chanson angaje. Se Lody ki ekri tèks Fanm vivan pa konn mouri ak tèks dekwoke l sou CD sa a;