Wikipedya:Mwa Wiki Kreyolo
|
 Soti 1e pou rive 31 oktòb |
Akèy
Mwa Wiki Kreyolo se yon apèl pou kontribisyon nan lang Kreyòl Ayisyen sou pwojè Wikimedya yo ke Gwoup itilizatè Kominote Wikimedya Ayiti lanse nan ane 2022 a. Kanpay sa se pou pèmèt lang Kreyòl Ayisyen an pi reprezante sou entènèt la sitou sou platfòm Wikimedya yo espesyalman Wikipedya. Se yon nesesite pou n genyen plis kontni egziste sou ansiklopedi lib la, non sèlman pou plis konesans disponib pou moun ki pale kreyòl epi tou pou pèmèt lang nan rete vivan.
Yon seri atelye fòmasyon ak kontribisyon k’ap òganize soti premye pou rive 31 oktòb la nan divès kote nan peyi a , nan objektif pou amelyore pwojè Wikimedya yo nan lang Kreyòl ayisyen, epi rive sansibibilize plis moun pou pote koloborasyon yo. Voye je sou Kalandriye a.
Èske ou poze tèt ou kesyon: ki moun ki kreye atik yo sou Wikipedya, ki moun ki asire ke ansiklopedi a satisfè kritè yo, oswa ki kote imaj yo jwenn sou atik yo soti? Si ou vle dekouvri Wikipedya ak pwojè sè li yo, enskri pou yon atelye oswa patisipe nan youn nan evènman ki nan Kalandriye a oswa gade paj Èd ansiklopedi la. Sa ou dwe konnen ansiklopedi nan etap pou fè pyemeye pa li, malgre jefò anpil kontribitè depi kèk lane. Men sa pa sifi. li mande plis volontè pou vin pote kole kèlkeswa domèn etid ak travay li, epi tou sa mande okenn gwo konpetans ni nan enfòmatik ni gwo nivo etid. Sa ki enpòtan se pataje tout konesans pou mete yo disponib pou tout moun nan mond lan gratis nan lang kreyòl ayisyen. Sa mande sèlman pou sèvi ak sous referans ke moun ka fè konfyans epi kapab verifye sitou.
Si ou gen yon gwoup moun disponib ou ta renmen òganize yon seyans fòmasyon sou kijan pou modifye Wikipedya ak/oswa pwojè sè li yo, kite yon mesaj sou paj diskisyon an. Yon ekip ap la pou ede w ak òganizasyon an. Oswa ekri Wikimedya Ayiti sou emèl (infos@wikimediahaiti.org).
Tèm
Nou pwopoze kontribitè yo ajoute oswa amelyore kontni ki gen rapò avèk Listwa Dayiti, tout peryòd (anvan kolonizasyon, kolonyal, Okipasyon, Diktati, Demokrasi) tout dat byenvini. Tout Ewo, gason ak fanm ki make listwa oswa okipe yon pòs politik byenvini. Tèm na pa vle di tou nou dwe rete konsantre sou evènman politik yo, li ka touche tout tematik tankou syans, jewografi, kilti, literati, ekonomi, elatriye ki gen rapò ak Ayiti. Fè kout je gade Kategori ki rasanble tout tematik ak sijè ki gen rapò ak Ayiti yo.
Kijan pou patisipe?
- Konekte oswa kreye yon kont.
- Enskri sou Dashboard Outreach la pou swiv kontribisyon ou yo:
- Ajoute non w nan lis patisipan sou sou paj sa.
Kreye oswa modifye yon atik
- Kreye yon atik ki poko sou wikipedya oswa modifye youn ki deja la (ajoute lyen, referans, ak lòt kontni ki enpòtan) pou rann ansiklopedi a vin pi rich.
- Ale sou paj sa a w ap jwenn on lis aktik ki pwopoze.
- Si ou poko konnen kijan pou fè sa, klike sou lyen sa a pou w aprann.
Patisipe nan yon atelye Si ou ta renmen konnen plis sou wikipedya nan lang Kreyòl ayisyen ak pwojè sè li yo enskri nan yon atelye nan youn nan vil y ap òganize yo. Gade Kalandriye a.
Rekonpans
- Loreya Nasyonal: 15000 goud (Kat Kad)
- Loreya chak klèb yo: 10000 goud (Kat Kad)
Kondisyon:
- Fòk non w enskri nan lis patisipan yo ak nan Dashboard Outreach tablo bò a.
- Fòk loreya a kontribibye nan pi piti 10 atik e rive reyalize anviwon 300 modifikasyon.
- Fòk li ajoute pou piti 5 referans ak ajoute yon imaj nan yon atik omwen.
Manb Jiri:
Galeri
| Gade kèk imaj | |||||||||
| |||||||||
| Plis imaj ap vini | |||||||||
Patnè
| Patnè ofisyèl yo | |||||||||
| |||||||||
.svg){kind=logo}
